संगमनेर शहरातील शिवाजीनगर येथील वैदु वस्तीत आधुनिक सामाजिक सभागृहाच्या विस्तारीकरणाचे भूमिपूजन !

आमदार सत्यजीत तांबे यांच्या प्रयत्नातून 10 लाखांचा निधी

संगमनेर शहरातील शिवाजीनगर परिसरातील वैदु वस्तीतील नागरिकांसाठी आमदार सत्यजीत तांबे यांच्या प्रयत्नातून दीपावली पाडव्याच्या शुभ मुहूर्तावर नगरपालिकेच्या जागेवर उभारण्यात येणाऱ्या सामाजिक सभागृहाच्या विस्तारीकरणाचे भूमिपूजन मोठ्या उत्साहात पार पडले.

या सभागृहाच्या विस्तारीकरणासाठी आ.तांबे यांनी आपल्या स्थानिक विकास निधीतून तब्बल ₹10 लाखांचा निधी मंजूर केला आहे.
या कामामुळे परिसरातील नागरिकांना विवाह, सामाजिक समारंभ, सांस्कृतिक कार्यक्रम तसेच शैक्षणिक उपक्रमांसाठी एक आधुनिक व प्रशस्त सुविधा उपलब्ध होणार आहे.

यावेळी प्रामुख्याने सोमेश्वर दिवटे, अरुण हिरे, अण्णा शिंदे, बबन गायकवाड, ताया गायकवाड, मारुती गायकवाड, हिरामण शिंदे, शंकर गायकवाड, शुभम शिंदे, अनिल गायकवाड आदी मान्यवर उपस्थित होते.

संगमनेर शहरातील प्रत्येक समाजघटकाचा सर्वांगीण विकास होणे हेच माझे ध्येय आहे. दीपावली पाडव्याच्या शुभ मुहूर्तावर वैदु वस्तीत होणाऱ्या या सभागृहाचा फायदा येथील तरुण पिढी आणि नागरिकांना नक्कीच होईल असे प्रतिपादन यावेळी आमदार तांबे यांनी केले.