नागरिकांना सुलभ सेवा देण्यासाठी महावितरणचा निर्णय
नाशिक परिमंडळातील अहिल्यानगर मंडळांतर्गत संगमनेर विभागातील विज वितरण सेवांचे कामकाज अधिक सुलभ व कार्यक्षम करण्याच्या उद्देशाने महाराष्ट्र राज्य विद्युत वितरण कंपनीने एक महत्त्व पूर्ण निर्णय घेतला आहे.संचालक मंडळा च्या सल्लामसलतीनंतर अध्यक्ष आणि व्यवस्थापकीय संचालक यांनी संगमनेर उपविभाग-१ व उपविभाग-२ चे विभाजन करून नवीन संगमनेर उप विभाग-३ स्थापन करण्याबाबत उर्जा राज्यमंत्री मेघनाताई बोर्डीकर यांच्याकडेआमदार अमोल खताळ पाटील यांनी सातत्याने पाठपुरावा केला.त्यांच्या या पाठपुराव्या मुळे महावितरणने नवीन उपविभाग ३ ची स्थापना करण्यास मंजुरी दिली आहे.
संगमनेर उपविभाग-३ च्या आस्थापने वर एकूण१२ पदे निर्माण करण्यात आली असून त्यामध्ये उपकार्यकारी अभियंता, कनिष्ठ अभियंता, सहाय्यक अभियंता, मुख्य तंत्रज्ञ, लेखा विभागातील लिपिक तसेच शिपाई आदींचा समावेश आहे. या माध्यमातून नागरिकांना जलद व दर्जेदार सेवा उपलब्ध करून देणे शक्य होणार आहे.शेती पंप धारक संख्या, ग्राहक संख्या आणि व्यवसायिक संख्या मोठ्या स्वरूपात असल्यामुळे सतत अडचणी निर्माण होत होत्या. विज जोडणीसाठी वारंवार होणारा उशीर, तांत्रिक बिघाड दुरुस्तीसाठी लागणारा अधिक वेळ, बिलिंग व मीटर संबंधित तक्रारींचा प्रचंड भार, तसेच ग्रामीण भागात तातडीने सेवा पोहोचवण्यात येणाऱ्या विलंबामुळे नागरिकांना त्रास सहन करावा लागत होता.
प्रशासकीय कामकाज उंचावण्याच्या दृष्टीने तसेच अडीअडचणी सोडवण्याची प्रक्रिया सुलभ करण्यासाठी नवीन उप विभागाची आवश्यकता भासत होती. त्यामुळे महावितरणने हा निर्णय घेणे गरजेचे ठरले आहे. यासाठी आमदार अमोल खताळ यांनी राज्यमंत्री मेघनाताई बोर्डीकर यांच्याकडे सातत्याने पाठपुरावा केला महावितरणकडून हा निर्णय घेण्यात आला आहे.यावेळी आमदार अमोल खताळ यांनी मुख्यमंत्री देवेंद्र फडणवीस , उपमुख्यमंत्री एकनाथ शिंदे ,उपमुख्यमंत्री अजित पवार, राज्यमंत्री मेघनाताई बोर्डीकर तसेच पालकमंत्री राधाकृष्ण विखे पाटील यांचे विशेष आभार मानले आहेत.
महावितरणच्या शाखा कार्यालयांचे पुनर्विभाजनविभाज नानंतर संगमनेर उप विभाग-१, उपविभाग २ आणि नवनिर्मित उपविभाग-३ अंतर्गत शाखा कार्यालयांचे पुनर्वाटप करण्यात आले आहे.उपविभाग – १ अंतर्गत संगमनेर शहर शाखा-१ व २, जवळे कडलग, निमोन, आणि कुरण शाखा. उपविभाग-२ अंतर्गत : आश्वी-१, आश्वी-२, निमगाव जाळी, वडगाव पान, पिंपरने, जोर्वे व तळेगाव शाखा. उप विभाग-३ अंतर्गत घारगाव १, घारगाव- २,साकुर,चंदनापुरी,धांदरफळ आणि मंगळापुर शाखा कार्यालये कार्यरत राहतील.नवीन उपविभाग-३ च्या पद निर्मितीसाठी वार्षिक ₹१,२६,७३,०९२ इतका खर्च तसेच कार्यालय निर्मितीसाठी ₹१२ लाख रुपयांच्या प्रशासकीय खर्चास मंजुरी मिळाली आहे.
