- सेवा समितीच्या उमेदवारांना वाढता पाठिंबा
संगमनेर नगरपालिकेच्या निवडणुकीमध्ये प्रभाग सहा मधून उभ्या असलेल्या अपक्ष उमेदवार सौ कांचन शंकर मुर्तडक यांनी संगमनेर सेवा समितीच्या उमेदवार सौ वनिता संजय गाडे यांना पाठिंबा दिला आहे. याचबरोबर लोकनेते बाळासाहेब थोरात व आमदार सत्यजित तांबे यांच्या मार्गदर्शनाखाली सेवा समितीच्या सोबत राहणार असल्याचे जाहीर केले आहे.
प्रभाग सहा हा अत्यंत महत्त्वाचा प्रभाग असून या प्रभागांमधून अपक्ष उमेदवार म्हणून सौ.कांचन शंकर मुर्तडक या उमेदवारी करत होत्या. लोकनेते बाळासाहेब थोरात आमदार सत्यजित तांबे यांच्या मार्गदर्शनाखाली संगमनेर सेवा समितीने संगमनेर शहराचा नियोजनबद्ध विकास आराखडा तयार केला असून याला नागरिकांचा मोठा पाठिंबा मिळत आहे.
यावेळी सौ.कविता मुर्तडक म्हणाल्या की, लोकनेते बाळासाहेब थोरात यांनी संगमनेर शहरामध्ये अनेक विकासाच्या योजना राबवल्या प्रत्येक प्रभागामध्ये विकासाचे प्रभावीपणे काम केले. याचबरोबर शहरासाठी थेट पाईपलाईन योजनेतून पाणी दिले. स्वच्छ सुंदर गाव बनवले याचबरोबर मोठी बाजारपेठ निर्माण केली. संगमनेर हे विकासातून वैभवशाली असून राज्यांमध्ये या गावाचा लौकिक निर्माण झाला आहे. मात्र मागील एक वर्षापासून संगमनेर मध्ये दहशत आणि गुंडगिरी वाढली असून हे रोखण्यासाठी आपण सर्वांनी आपले मतभेद विसरून एकत्र येणे गरजेचे आहे.
संगमनेर हे आपले गाव परिवाराप्रमाणे असून या गावाची संस्कृती व वैभव जपण्यासाठी आपण लोकनेते बाळासाहेब थोरात व आमदार सत्यजित तांबे यांच्या मार्गदर्शनाखाली काम करत असून प्रभाग सहा मधून गाडे वनिता संजय व अभंग गजेंद्र बजाबा यांना पाठिंबा दिला आहे याचबरोबर नगराध्यक्ष पदासाठी डॉ. मैथिलीताई तांबे यांच्या सोबत राहणार असून प्रत्येक प्रभागांमध्ये संगमनेर सेवा समितीच्या उमेदवारांच्या प्रचारार्थ काम करणार आहे.
त्यांच्या या निर्णयाचे प्रभाग सहा मधून स्वागत होत असून सर्वांनी संगमनेर सेवा समितीच्या उमेदवारांच्या पाठीशी भक्कमपणे उभे राहावे असे आवाहन त्यांनी केले. बहुजन विकास आघाडीसह संगमनेर मधील विविध राजकीय पक्ष व सेवाभावी संघटनांनी संगमनेर सेवा समितीच्या उमेदवारांना बिनशर्त पाठिंबा दिला आहे नागरिकांचा मोठा प्रतिसाद व विविध संघटनांचा पाठिंबा ही मोठी वैशिष्ट्य या निवडणुकीमध्ये संगमनेर सेवा समितीचे राहिले आहे.
