- या मुजोर हप्तेखोरीला कुणाचा आशीर्वाद याची तालुक्यात मोठी चर्चा
सुसंस्कृत तालुका अशी ओळख असलेल्या संगमनेरची आता टक्केवारीचा तालुका म्हणून ओळख होत आहे. नांदूर शिंगोटे येथील तरुणांनी शासकीय नियमाने घेतलेल्या कामांमध्ये फक्त टक्केवारी आणि हप्तेखोरीसाठी राजापूर मधील काही टवाळखोरांनी त्रास देण्याचा उद्योग सुरू केला असून पोलिसांसमोर केलेली दादागिरी व अरेरावी ही तालुक्यात चर्चेचा विषय ठरत आहे.

सायखिंडी फाटा येथे नाशिक – पुणे महामार्गावरील उड्डाणपुलाचे कामात माती पुरवण्याचे काम नांदूर शिंगोटे येथील व्यावसायिकांनी घेतले आहे, मात्र तुम्ही बाहेरच्या तालुक्यातील आहात म्हणून येथे काम करायचे नाही अशी अरेरवी राजापूर येथील काही गुंडाळ तरुणांनी केली आहे. ही फक्त टक्केवारीसाठी त्यांची दहशत आहे.
संगमनेर आणि सिन्नर तालुका हा कायम समन्वयाने राहिला आहे नांदूर शिंगोटे गाव हे सहकार महर्षी भाऊसाहेब थोरात सहकारी साखर कारखान्याच्या कार्यक्षेत्रात येत असून तेथील शेतकरी विद्यार्थी नागरिक यांची संगमनेर मध्ये कायम वर्दळ असते. बंधू भावाचे नाते कायम राहिले आहे. मात्र तालुक्याच्या नावावर दहशत निर्माण करून दोन्ही तालुक्यांमध्ये संबंध बिघडवण्याचे काम काही सत्ताधारी टक्केवारीखोर तरुण करत आहेत.
विशेष म्हणजे पोलिसांसमोर हे सगळे घरात असताना पोलीस सर्व बघत आहेत. इतकी दादागिरी करण्यापर्यंत यांची हिम्मत वाढली कशी. पोलीस प्रशासनावर नेमका कोणाचा दबाव आहे. ही टक्केवारी नेमकी कोण घेत आहे. त्यांचा आक्का कोण आहे याची आता चर्चा तालुक्यात रंगू लागली आहे.

मागील दोन वर्षापासून हप्तेखोरी आणि टक्केवारी ही कलंकित संस्कृती संगमनेरला सुरू झाली आहे यामागचे सूत्रधार आणि आका कोण आहे ? ते तातडीने शोधावे. याचबरोबर दहशत आणि धाक निर्माण करणाऱ्या अशा तरुणांना पोलीस प्रशासनाने जरब बसवावी अशी मागणी सामान्य नागरिकांमधून होत आहे .
सायखिंडी फाटा येथे नांदूर शिंगोटे येथील नागरिक व राजापूर येथील मुजोर तरुण यांच्यामध्ये झालेल्या संभाषणाचे व्हिडिओ दिवसभर सोशल मीडियामध्ये फिरत आहेत यामध्ये पोलीस सुद्धा समोर असून हे तरुण दादागिरी करताना दिसत आहेत, असे संगमनेर तालुक्यात कधीही घडत नव्हते मात्र मागील दोन वर्षापासून ही संस्कृती सुरू झाल्याने सर्वसामान्य नागरिक चिंतेत आहे.
विशेष म्हणजे सायखिंडी व परिसरातील नागरिकांनी या कामांमध्ये कधीही हस्तक्षेप केला नाही उलट राजापूर व परिसरातील हे तरुण त्या ठिकाणी येऊन दादागिरीची भाषा करत आहेत. यांना तातडीने धडा शिकवा अशी मागणी स्थानिक नागरिकांनी केली आहे.
आम्ही कधी कोणाचे नुकसान केले नाही, आम्ही कायदेशीर मार्गाने काम करत आहोत, न्याय बाजूने आम्हाला सर्वांनी समजून घ्यावे. नांदूर शिंगोटे व संगमनेर हे जिव्हाळ्याचे नाते आहे आमचा प्रत्येक नागरिक संगमनेरमध्ये येत असतो आम्ही कुठेही चुकीचे करत नाही मग आम्हाला का त्रास देतात. टक्केवारीसाठी आम्हाला वेठीस धरले जात असून सर्व संगमनेर तालुक्यातील जनतेने आम्हाला न्याय द्यावा अशी मागणी दत्ता मुंगसे आणि समस्त ग्रामस्थ नांदूर शिंगोटे यांनी केली आहे.




