प्रशांत दामले यांचा प्रथमच संगमनेरमध्ये नाट्यप्रयोग ! “शिकायला गेलो एक” आणि “एका लग्नाची पुढची गोष्ट” संगमनेरकरांच्या भेटीला.

संगमनेरच्या सांस्कृतिक वैभवात आणखी एका मनोरंजन पर्वाची भर पडणार आहे ! संगमनेरमध्ये नागरिकांसाठी हास्य, मनोरंजन आणि सांस्कृतिक कार्यक्रमांची मेजवानी आयोजित करण्यात आली आहे.


सर्व नगरसेवक-नगरसेविका, अधिकारी व कर्मचारी वृंद तसेच जय हिंद लोकचळवळ यांच्या संयुक्त विद्यमाने संगमनेरमध्ये विशेष मनोरंजन कार्यक्रमांचे आयोजन करण्यात आले आहे. ज्येष्ठ नाट्यकलावंत प्रशांत दामले यांच्या अत्यंत गाजलेल्या २ नाटकांचे प्रयोग संगमनेरकरांसाठी प्रथमच भेटीला येणार असून या कार्यक्रमांतर्गत सोमवार, दिनांक 23 नोव्हेंबर 2026 रोजी रात्री 8 वाजता ‘शिकायला गेलो एक’, तर मंगळवार, दिनांक 24 नोव्हेंबर 2026 रोजी रात्री 8 वाजता ‘एका लग्नाची पुढची गोष्ट’ हि गाजलेली २ नाटकं शहरातील कवी अनंत फंदी नाट्यगृहामध्ये आयोजित करण्यात आली आहेत.

या कार्यक्रमासाठी स्वागत मूल्य 300 आणि 500 रुपये ठेवण्यात आले असून, कार्यक्रमाच्या तिकीट विक्रीतून मिळणारी संपूर्ण रक्कम मुख्यमंत्री सहाय्यता निधीत जमा करण्यात येणार असल्याची माहिती आयोजकांकडून देण्यात आली आहे.

मनोरंजनासोबत सामाजिक बांधिलकी जपणारा हा उपक्रम संगमनेरकरांसाठी एक पर्वणी ठरणार असून, नागरिकांनी मोठ्या संख्येने उपस्थित राहून या कार्यक्रमाचा आनंद घ्यावा, असे आवाहन आयोजकांच्यावतीने करण्यात आले आहे.

Leave a Reply

Your email address will not be published. Required fields are marked *