- 1000 आसन क्षमतेच्या अद्यावत नाट्यगृहाची तिसरी घंटा वाजणार, रसिकांमध्ये आनंदाचे वातावरण
- माजीमंत्री बाळासाहेब थोरात, आमदार सत्यजित तांबे यांच्या उपस्थितीत लोकार्पण
संगमनेरच्या सांस्कृतिक व साहित्यिक परंपरेला समृद्ध करत मा. महसूलमंत्री लोकनेते बाळासाहेब थोरात व आमदार सत्यजित तांबे यांच्या मार्गदर्शनाखाली संगमनेर नगरपरिषदेने अद्यावत व अत्याधुनिक सुविधांनी बनवलेले कवी अनंत फंदी खुले नाट्यगृहाचे लोकार्पण सोमवार दिनांक 23 नोव्हेंबर 2026 रोजी सायंकाळी 7 वाजता होणार आहे. याचबरोबर ज्येष्ठ अभिनेते प्रशांत दामले यांच्या नाटकाने या रंगमंचाची सुरुवात होणार असल्याची माहिती नगराध्यक्षा डॉ.सौ.मैथिलीताई तांबे यांनी दिली आहे. तर या नव्या रूपातील नाट्यगृहामुळे संगमनेर मधील नाट्यप्रेमी व रसिकांमध्ये मोठे आनंदाचे वातावरण निर्माण झाले आहे.

याबाबत अधिक माहिती देताना नगराध्यक्ष डॉ.मैथिलीताई तांबे म्हणाल्या की, महाराष्ट्राचे वरिष्ठ नेते माजीमंत्री बाळासाहेब थोरात व आमदार सत्यजित तांबे यांच्या मार्गदर्शनाखाली तालुकास्तरावरील अत्याधुनिक व अद्यावत असे बंदिस्त नाट्यगृह संगमनेर मध्ये उभारले आहे. महाराष्ट्रातील विविध नाट्यगृहांना भेटी देऊन त्यामधील आधुनिक सुविधांचा वापर करून 1000 आसन क्षमता असलेले हे नाट्यगृह बनवण्यात आले आहे.
माजी नगराध्यक्ष सौ.दुर्गाताई तांबे यांच्यात कार्यकाळामध्ये या बंदिस्त नाट्यगृहाच्या कामाला सुरुवात झाली. आमदार सत्यजित तांबे यांनी या कामी सातत्याने पाठपुरावा केला असून हे नाट्यगृह आता नव्या रूपात खुले होणार आहे. संगमनेरला कवी अनंत फंदी यांच्या पासून शाहीर विठ्ठल उमप, कांताबाई सातारकर, पद्मश्री रघुवीर खेडकर यांच्यासह दिग्गज कलावंतांची परंपरा लाभली आहे. लोकनेते बाळासाहेब थोरात यांच्या नेतृत्वात साहित्य,लोककला, नाटक, संगीत आणि सांस्कृतिक क्षेत्रात संगमनेरच्या कलावंतांना सातत्याने व्यासपीठ निर्माण करून दिले गेले आहे. या दृष्टीने कवी अनंत फंदी नाट्यगृह आता महत्त्वपूर्ण ठरणार आहे.



सोमवार दिनांक 23 नोव्हेंबर 2026 रोजी सायंकाळी 7 वा.लोकनेते बाळासाहेब थोरात, मा. आ.डॉ.सुधीर तांबे, आमदार सत्यजित तांबे, मा.नगराध्यक्ष सौ.दुर्गाताई तांबे, डॉ.जयश्रीताई थोरात यांच्यासह संगमनेरचे सर्व माजी नगराध्यक्ष, नगरसेवक व मान्यवरांच्या उपस्थितीमध्ये या नवीन नाट्यगृहाचे लोकार्पण होणार आहे.
यानिमित्ताने अखिल भारतीय नाट्य परिषदेचे अध्यक्ष ज्येष्ठ अभिनेते प्रशांत दामले यांचे शिकायला गेलो एक व एका लग्नाची पुढची गोष्ट हे नावाजलेले नाटक सादर होणार आहे.


तरी या कार्यक्रमासाठी संगमनेर मधील नागरिक बंधू – भगिनी व साहित्य प्रेमींनी मोठ्या संख्येने उपस्थित राहावे असे आवाहन उपनगराध्यक्ष नूर मोहम्मद शेख सर्व नगरसेवक नगरसेविका व मुख्याधिकारी डॉ.दयानंद गोरे यांनी केले आहे.
- नाटकांच्या तिकिटांची रक्कम दुष्काळग्रस्तांना मदत
- कवी अनंत फंदी खुलेनाट्यगृहाच्या लोकार्पणाच्या निमित्ताने ज्येष्ठ अभिनेते प्रशांत दामले यांचे सोमवार दिनांक 23 नोव्हेंबर 2026 रोजी रात्री 8 वा.शिकायला गेलो एक हे नाटक व मंगळवार दिनांक 24 नोव्हेंबर 2026 रोजी रात्री 8 वा. एका लग्नाची पुढची गोष्ट हे नाटक सादर होणार असून या नाटकांच्या तिकिटांमधून जमा होणारी सर्व रक्कम दुष्काळ निधीला दिली जाणार असल्याचे आमदार सत्यजित तांबे यांनी सांगितले.
- तालुका स्तरावरील अद्यावत नाट्यगृह ठरणार – आमदार सत्यजित तांबे
- राज्याला आणि देशाला अनेक नामवंत कलाकार देणाऱ्या संगमनेर शहरांमध्ये अत्यंत अत्याधुनिक व वैभवशाली उभे राहिलेले कवी अनंत फंदी खुले नाट्यगृह हे तालुका स्तरावरील अद्यावत नाट्यगृह ठरणार असून 1000 आसन एक क्षमता, भव्य स्टेज, लाईट डेकोरेशन, प्रेक्षक गॅलरी, पार्किंग अशा सर्व सुविधानियुक्त हे नाट्यगृह संगमनेरचा सांस्कृतिक मानबिंदू ठरेल




