संगमनेर नगरपरिषद निवडणुकीची प्रचाराची रणधुमाळी जोरात सुरू असताना शिवसेने (शिंदे गट)च्या नगराध्यक्ष पदाच्या उमेदवार सुवर्णा संदीप खताळ यांना प्रभागनिहाय मिळणारा वाढता पाठिंबा विशेषतः लक्षवेधी ठरत आहे. शहरात आणि उपनगरांत त्यांचा जनसंपर्क वाढत असताना राज्याचे उपमुख्यमंत्री एकनाथ शिंदे यांच्या भव्य आणि उत्स्फूर्त प्रतिसाद मिळालेल्या प्रचार सभेमुळे निवडणूक प्रचाराचा कल अधिकच त्यांच्या बाजूने झुकत असल्याचे चित्र दिसत आहे.
संगमनेर शहरातील मध्यवर्ती ठिकाणी पार पडलेल्या या सभेला मोठ्या प्रमाणावर नागरिकांनी हजेरी लावली. गर्दीचा प्रचंड ओघ, घोषणा आणि उत्साहामुळे उपस्थितांची ऊर्जा वृद्धिंगत झाली. या सभेत बोलताना उपमुख्यमंत्री एकनाथ शिंदे यांनी संगमनेरच्या विकासासाठी ठोस पावले उचलण्याचा शब्द दिला. शहरातील चाळीस वर्षांपासून रखडलेले महत्त्वाचे प्रश्न मार्गी लावण्याचे आश्वासन त्यांनी जाहीरपणे व्यक्त केले. त्यामुळे मतदारांमध्ये आशावादाचे वातावरण निर्माण झाले आहे. उपमुख्यमंत्री शिंदे यांच्या भाषणानंतर शहरातील राजकीय वातावरणात लक्षणीय बदल झाल्याचे जाणवू लागले आहे.
सुवर्णा खताळ यांच्या प्रचाराला नवे बळ मिळाले असून अनेक प्रभागांमध्ये त्यांना मिळणाऱ्या पाठिंब्याचे प्रमाण वाढत असल्याचे स्थानिक पातळीवर स्पष्टपणे दिसत आहे. महिला, युवा आणि ज्येष्ठ नागरिक या तिन्ही घटकांकडून त्यांचा प्रचार सकारात्मक प्रतिसाद मिळवत आहे. सुवर्णा खताळ यांच्या प्रचारयात्रांना मिळणारा उत्साह आणि उपमुख्यमंत्र्यांच्या सभेचा प्रभाव पाहता त्यांचे पारडे जड होत असल्याची राजकीय वर्तुळातील चर्चा अधिक तीव्र झाली आहे. शिवसेनने (शिंदे गट)च्या स्थानिक नेतृत्वालाही या प्रतिसादामुळे नवी ऊर्जा मिळाल्याचे दिसून येत आहे.
