- संगमनेर साठी महत्त्वाची नाशिक पुणे रेल्वे बाहेरून कशी चालली ते सांगा
- मागील एक वर्षात शहरात नको ते घडते आहे
- शहरात वाढलेली अमली पदार्थांची तस्करी व गुंडगिरी चिंताजनक
संगमनेर शहराला निळवंडेतून थेट पाईपलाईन द्वारे स्वच्छ पाणी मिळते आहे. शहरात विकासाच्या योजना राबविल्या आहेत. शांतता, सुव्यवस्था यामागे कुणाचे तरी कष्ट आहे . हे प्रत्येकाने लक्षात घेतले पाहिजे. आपण शहर जपले. मात्र मागील एक वर्षांमध्ये शहरांमध्ये अस्वस्थता वाढली असून अमली पदार्थांची तस्करी व दहशत वाढली आहे. हे थोपवण्याची जबाबदारी जनतेची असून संगमनेर साठी महत्त्वाची असणारी नाशिक पुणे रेल्वे दुसऱ्या तालुक्यात मधून जाती कसे हे पहिले सांगा असा सवाल महाराष्ट्राचे वरिष्ठ नेते बाळासाहेब थोरात यांनी केला आहे.
जनता नगर मध्ये संगमनेर सेवा समितीच्या उमेदवारांच्या प्रचारार्थ आयोजित सभेत ते बोलत होते यावेळी व्यासपीठावर आमदार सत्यजित तांबे, उमेदवार विश्वासराव मुर्तडक, डॉ अनुराधा सातपुते, सोमेश्वर दिवटे, शरद पवार राष्ट्रवादी पक्षाचे डॉ किशोर पवार, बाळकृष्ण महाराज करपे, प्रा हिरालाल पगडाल ज्ञानेश्वर राक्षे, अमित सोनवणे, गिरीश गोरे, तुषार वनवे, वैष्णव मूर्तडक, सौ रुपाली मिलिंद आवटी यांच्यासह विविध पदाधिकारी उपस्थित होते.
यावेळी बोलताना माजी मंत्री बाळासाहेब थोरात म्हणाले की, इंजिनिअरिंग कॉलेज ते बस स्थानक हा अद्यावत रस्ता आपण पूर्ण केला. याचबरोबर शहरासाठी थेट पाईपलाईन योजना राबवली. याकरता अनेकदा शेतकऱ्यांच्या विनवण्या कराव्या लागला. सातत्याने निधी मिळवला. आज स्वच्छ पाणी मिळते आहे यामागे कोणाचे तरी कष्ट आहे. तीस वर्षांमध्ये नगरपालिका अत्यंत आदर्श पद्धतीने चालवली .विकासाचे मोठमोठी कामे केली .शहरात शांतता सुव्यवस्था, वैभव निर्माण केले.
मात्र मागील एक वर्षापासून संगमनेर मध्ये अशांतता आहे .अमली पदार्थांची तस्करी वाढली आहे. धर्माच्या नावावर काळे धंदे सुरू आहेत. मागील आठवड्यामध्ये एका तरुणाचा हात तुटला. हात तुटलेला तरुण आणि तोडणारा कोण होता हे तपासले पाहिजे .शहरांमध्ये ड्रग्स, इंजेक्शन, नशील्या गोळ्या उपलब्ध होत आहे. आणि आम्ही पदार्थांचा माफिया बस स्थानकासमोर सभेमध्ये मोरक्या होतो आहे. बाहेरची प्रवृत्ती आपल्याला संगमनेर मध्ये येऊ द्यायची नसून सर्वांनी आपले संगमनेर वाचवण्यासाठी एकत्र राहणे गरजेचे आहे.
याचबरोबर नाशिक पुणे रेल्वे साठी आपण सातत्याने पाठपुरावा केला पोखरी हवेली येथे रेल्वे स्टेशन साठी जागा नियोजित केली. सर्व नियोजित असताना आता ही महत्त्वाची रेल्वे बाहेरून जाते कशी हे पहिले सांगा असे आवाहन त्यांनी केले.
तर आमदार सत्यजित तांबे म्हणाले की लोकनेते बाळासाहेब थोरात यांच्या नेतृत्वाखाली संगमनेर शहरात सातत्याने विकासाच्या योजना राबवले आहेत. सेवा समितीच्या वतीने 20 नवीन व 11 अनुभवी उमेदवार दिले आहेत. संगमनेर शहराला स्वच्छ पाणी मिळत असून आगामी काळामध्ये एकाच वेळी पूर्ण दाबाने पाणी मिळावे यासाठी काम केले जाणार आहे. हे पाणी 50 ते 150 टीडीएस ची असून अत्यंत शुद्ध आहे. राज्यामध्ये अशी कुठेही पाणी नाही. संगमनेरच्या मिळणाऱ्या पाण्यावर इतर शहरांच्या निवडणुका लढवल्या जातात. लोकनेते बाळासाहेब थोरात यांचा आदर सर्वपक्षीय नेते करतात कोणत्याही मंत्र्याकडे गेले तर निधीसाठी कोणीच नाही म्हणत नाही. निधी साठी पाठपुरावाला करावा लागतो. विकास कामांसाठी निधी आणण्यात आमची पीएचडी झाली असल्याचे आमदार तांबे यांनी म्हटले आहे.
यावेळी हिरालाल पगडाळ बाळकृष्ण महाराज करपे विश्वासराव मुर्तडक तुषार वनवे गिरीश गोरे यांनी मनोगते व्यक्त केली याप्रसंगी प्रभागातील कार्यकर्ते युवक व महिला मोठ्या संख्येने उपस्थित होते.
बसस्थानका समोर छत्रपती शिवाजी महाराजांचा अश्वारूढ पुतळा उभारणार
बस स्थानका समोर छत्रपती शिवाजी महाराजांचा अश्वारूढ पुतळा त्याचप्रमाणे डॉ बाबासाहेब आंबेडकर यांचा त्या जागेवर पूर्ण कृती पुतळा आणि छत्रपती शिवाजी महाराजांचा पुतळा असलेल्या जागेवर 150 फुटी तिरंगा व शहीद स्मारक उभारण्यासाठी आपण नियोजन केले आहे यासाठी निधीचा पाठपुरावा सुरू आहे. श्रीरामपूरला आपल्यानंतर महाराजांचा पुतळा होतो. मात्र याबाबत नवीन लोकप्रतिनिधी गप्प आहेत. विकास कामे आम्ही केली म्हणून आम्ही सांगतो. कुणाच्या निधीवर आम्ही गप्पा मारत नाही असे आमदार सत्यजित तांबे यांनी म्हटले.
